Ewan ko ba! Bakit naman kasi kailangan ko pang problemahin ang isang bagay na hindi naman dapat problemahin. Iniisip ko lang kasi, medyo hindi naging maganda ang taong ito kaysa nung last year. At saka isa pa, sobrang kakaunti lang ang mga naging kaibigan ko sa Laurel kaya feeling ko baka maging "loner" lang ako....Sana wag naman...
Hindi ko ikakaila, kahit papaano ay medyo excited rin ako sa mangyayari bukas. Hindi kasi araw-araw kang aayusan at magsusuot ng isang napakagandang damit para lang sumayaw at magpakasaya sa isang buong gabi. Kahit na alam kong alam niyo na hindi ako katulad ng ibang babae sa kilos pero kahit papaano ay pareho pa rin ang nararamdaman ko katulad ng iba ko pang kaklase at kaibigang babae...siyempre naman di ba? Sino ba namang babae ang di matutuwa kapag isinayaw siya ng isang lalake, lalo na kung ang taong iyon pa ang talagang nag-iisang nagpapatibok ng puso niya?
Siguro habang binabasa mo ito ay natatawa ka na. Baka sa mga oras na ito ay binabalikan mo na ang mga magagandang alaala nangyari sa'yo. Haaay! sana lang maging maayos ang lahat bukas...kahit walang kilig moments okey lang. Hindi naman ako reklamador eh. Ang gusto ko lang naman ay maging memorable ang gabi ko sa piling ng mga masasaya at tunay na kaibigan!
Labels: dreaming at night
